Jarraian, grabazioa egiteko informazioa topatuko duzu. Irakurri grabatzen hasi aurretik:


APLIKAZIOA JAITSI

  • Jaitsi Wavepad aplikazioa.
  • Konektatu aurikularrak eta mikrofonoa ordenagailura.

GRABATU

  • Aplikazioa ireki eta "New File" (artxibo berria) sakatu.
  • Aurrekoa egiten duzunean, hainbat aukera irekiko zaizkizu. Horietatik hautatu: Sample Rate 32000, mono kanala.
  • Ondoren, beste leihatila bat irekiko da. Sakatu bertako botoi gorria. Beste leihatila bat irekiko da. Oraindik ez zara grabatzen ari.
  • Azken leihatila honetako botoi gorria sakatzen duzunean, grabatzen hasiko zara.
  • Grabazio hasieran, esan irakurgaiaren izenburua, autorearen izena eta, azkenik, narratzailearen izena (zurea).
  • Hutsen bat egiten duzunean, laukitxo beltza sakatu (STOP). PLAYri eman eta entzun grabazioa akatsa topatu arte.
  • Gelditu grabazioa akatsaren aurretik eta hasi grabatzen utzitako pasartean. Ez eten grabazioa paragrafo baten erdian, hobe duzu paragrafo osoa hasieratik errepikatzea.

GORDE

  • Grabazioa amaitu duzu (STOP).
  • Leihatila txikia itxi (ireki duzun azken leihatila)
  • Beste leihatila bat gelditzen da irekita. Hortxe azaltzen da grabatutako artxiboa. Kontuz! Oraindik ez duzu gorde.
  • Sakatu FILE eta, ondoren, SAVE AS. Izena ipini eta MPEG Layer (MP3) bezala gorde. Utzi beste guztia dagoen bezala.
  • Bidali niri MP3 artxiboa.

Oharra

  • Irakurgaia luzea bada, kapitulu bakoitzeko artxibo bat grabatu.